അകാലം
**********

കവലയിൽ
കാട്ടെഴുത്ത് കണ്ട്
കഴുകൻ നോട്ടം
എടുത്തി ചാടി
കൂട്ടം തെറ്റി
തെറി കോരി
ഹൃദയച്ചോപ്പ് മണത്ത്

മുനച്ചു കീറിയ
നോവിന്റെ വരികളായി
ചുവന്ന ചാലുകൾ
ഞരമ്പുകളിൽ നിന്നും
നിരത്തിലേക്ക്
നിർത്താച്ചാട്ടമായോ...

നെറ്റിപ്പരപ്പിലെ
വരക്കുറിയിലേക്കും
ചേറ്റിനെപ്പുണർന്ന
നെഞ്ചിൻ വിരിവിലേക്കും
മൊട്ടയടിച്ചത് കൺമറച്ച
നിസ്ക്കാരത്തഴമ്പിലേക്കും
കഴുത്തിൽ ഞാന്ന
കുരിശിൻ നാവറ്റത്തും
ഓരോ തുള്ളിത്തിളക്കം
തെറിച്ചു പതിച്ച
രക്തത്തിലകങ്ങളായി
സദാചാരമുറപ്പിക്കുമ്പോൾ....

അച്ഛന്റെ കവിൾ കിട്ടാതെ
ഒരു കുഞ്ഞുമ്മ
ശൂന്യതയിലേക്ക്
കൂട്ടം പിരിഞ്ഞു....

ചുക്കിച്ചുളിഞ്ഞ്
പൊടിഞ്ഞു മരിച്ചു
ഒരാവലാതി
മുത്തശ്ശിത്തൊണ്ണും കോട്ടി.

കുപ്പിവളകൾ
തെരുതെരാ പൊട്ടി
കൂട്ടക്കരച്ചിൽ...

അമ്മപ്രാക്കുകൾ
പേറ്റു നോവോർത്തോർത്ത്
എണ്ണിയെണ്ണിയാളി...
അന്തരീക്ഷത്തിന്റെ
നിശ്വാസങ്ങളിലേക്ക്
പ്രാണത്തുടിപ്പുകളുടെ
വലിയ വ്യാകരണത്തെറ്റുകൾ
കുതിച്ച് കേറി
പിളർന്ന് പിരിഞ്ഞ്
ഒന്നൊന്നായി
മേൽക്കുമേൽ കുമിയുന്നു....

Comments

Post a Comment

Popular posts from this blog

ഇഷ്ടം സ്നേഹം കൊളുത്തി മനസ്സുകളുരുക്കി വിളക്കിയെടുത്ത് ശരി തെറ്റുകൾ എന്റേത് നിന്റേതെന്ന് കലഹിക്കാതിരിക്കുന്നിടത്ത് പൊങ്ങച്ചങ്ങൾ ഹൃദയച്ചെപ്പിൽ അടഞ്ഞമരുമ്പോൾ ധാരണകൾ സമാന്തരങ്ങളിൽ ഒഴുകിയെങ്കിൽ അവിടെയെന്റെ 'ഇഷ്ട'ത്തിന്നിടമുണ്ട്.
Read more
പലായനം ************** ·         ഗീത മുന്നൂര്ക്കോട് -- ഭ്രാന്താണെന്ന് ഭ്രാന്തിനകം വിശപ്പെന്ന് അകത്ത് പുറത്ത് അകംപുറം നിറയെ വിശപ്പ്! വിശക്കുന്നെന്ന് വിശപ്പിന്റെ ഭ്രാന്ത് അകത്ത് പുറത്ത് അകം പുറം മുഴുത്ത ഭ്രാന്ത്! നരഭോജികളുടെ നാടാണ് വിശപ്പ് വിശേഷപ്പെട്ടതു തന്നെ വിശേഷപ്പെട്ട ഭ്രാന്ത ൻ വിശപ്പ്! അവ ൻ ഭ്രാന്തനെന്നു വിളിക്കപ്പെടുന്ന വെറും മനുഷ്യ ൻ അവനില്ല ഇരുട്ടിലൊളിക്കാ ൻ നാട്ടിടങ്ങ ൾ ഇല്ലാത്ത കറുപ്പിടങ്ങ ൾ തിരയുന്ന അവന്റെ വിശപ്പ്! കാണാമറയത്തേക്കില്ലൊരു ഒളിയിടം ഇല്ലൊയൊരിഞ്ചോലയിടം ഭ്രാന്തിന്‍റെ വിശപ്പിലോ വിശപ്പെന്ന ഭ്രാന്തിലോ കല്ലെറിയപ്പെടും ഒളിച്ചുകടന്നുചെന്ന കാട് കുടുസ്സിടം കണ്ടെത്തിയതൊരു കൂട് കൂട്ടാകാമെന്നു കൊഞ്ചിച്ച് കൂട്ടം കൂടി വിശപ്പണച്ച്... ഇരുട്ടറിയാത്ത ഭ്രാന്ത ൻ കാഴ്ചയിലേക്ക് നരഭോജിക ൾ കുടിയേറുമെന്നും കാത്ത് നാടത്തത്തെ ഭയന്ന് ഭ്രാന്തന്റെ വിശപ്പ്!
Read more
എവിടെ... ? ************** നീ എന്റെ മുറ്റത്ത്   കുടഞ്ഞിട്ടു പോയ പാദസ്വനങ്ങൾ എന്റെ ജനാലക്കഴികളിലേക്ക് തൂകിയിട്ട വളക്കിലുക്കങ്ങൾ എന്റെ പൂമുഖത്തേക്ക് വീശിയെറിഞ്ഞ മുല്ലഗന്ധങ്ങൾ എന്റരികിലേക്ക് വരാം വരാം എന്നു മോഹിപ്പിച്ചിരുന്ന പട്ടുപാവടയുടെ പടപടപ്പുകൾ എല്ലാമെല്ലാം ഞാൻ പെറുക്കി സ്വരൂപിച്ചിരുന്നു... ഹൃദയച്ചെപ്പിലവ   ഒളിപ്പിച്ചിരുന്നു... കാണുന്നില്ലൊന്നും എവിടെയോ കളഞ്ഞുപോയിയെന്ന് ഞാനലയുമ്പോഴും...
Read more