എന്റെ ഗ്രാമം
- ഗീത മുന്നൂര്ക്കോട് –
കൗമാര വല്ലികള്‍ ചുറ്റിപ്പിണഞ്ഞുള്ള
അഞ്ചാണ്ടു ജീവിതഘണ്ഡമീ ഗ്രാമത്തില്‍;
എന്റെ നാടേ, യെന്‍ നടവഴികളില്‍ നീ
വിരിച്ചു നിത്യവും പ്രണയ സര്‍ഗ്ഗതല്‍പം !
ഹരിതഗ്രാമ്യശൃംഗാരഗംഭീരം മാറിടം നിന്റെ
സര്‍ഗ്ഗ വേഴ്ചയില്‍ ഭാഗിനിയായി ഞാന്‍;
ഗ്രാമമേ നിന്റെ ചാരുത സ്ഫുടം ചെയ്ത
ഭ്രൂണമെന്‍ സിരകളില്‍ നിക്ഷിപ്തമായതും
നെഞ്ചിലാലിംഗനത്തിലടക്കിയൊതുക്കി-
യെന്‍ മനം കവിതയെ ഗര്‍ഭത്തിലേറ്റതും
നിന്നിലെയലസത്തെന്നലിന്‍ ശ്വാസങ്ങ-
ളേറ്റതാം നാളുകളെത്ര മനോഹരം!
ഇന്നുമെന്‍ നാമധേയത്തിന്‍ വാമഭാഗത്തടക്കി
സൂക്ഷിപ്പൂ ഞാന്‍ നിന്‍ ഹരിതഹര്‍‍ഷം !
ഇന്നുമെന്‍ നാമധേയത്തിന്‍ വാമഭാഗത്തടക്കി
ReplyDeleteസൂക്ഷിപ്പൂ ഞാന്‍ നിന്‍ ഹരിതഹര്‍‍ഷം !
ആ ഹരിതഭംഗി കവിതകളില്‍ ക്കൂടി എന്നും തിളങ്ങട്ടെ.
അഥാണ് മുന്നൂര്ക്കോട് എന്ന എന്റെ ഗ്രാമം.
ReplyDeleteആശംസകള്‍ക്ക് നന്ദി.