മോചനം
**********
പെറ്റുവീണ നാൾമുതൽ
മുലപ്പാൽകിട്ടാഞ്ഞ്
കുഞ്ഞ്
ചപ്പിക്കുടിച്ചത്
വെറുപ്പുരസം

രസദ്രവത്തിന്റെ
മാരകരൗദ്രമായി
അതവന്റെ
നാഡികളിലും
സിരകളിലുമൊഴുകി

വെട്ടിയും കുത്തിയും
കൊത്തിയും
വിഷം പകരുക
അവന്റേതായ
സർപ്പധർമ്മമായി

കുടിച്ചിറക്കിയ വിഷപ്പാൽ
അവനിൽ നിന്നിറക്കിയത്
തൂക്കുമരമായിരുന്നു...


Comments

Post a Comment

Popular posts from this blog

വിസ്മയപ്പെയ്ത്ത് ************************ കുസൃതിക്കാറ്റവളെ ചെരിച്ചു പെയ്യിക്കുന്നു ചിരിച്ചുംകൊണ്ടുള്ള അവ ൾച്ചു ളിവുക ളി ൽ കുളിരോടം കളിക്കുന്ന മദഗന്ധം...! തരിച്ചുണരുന്ന പെയ്ത്തുവളവുകളി ൽ അലൗകികമായി മിന്നുന്ന മിടിപ്പുകൾ തുടിപ്പുകൾ അവിടെയിടിച്ചു പ്രപഞ്ചമുണർത്തും പ്രകമ്പനമൊരു വിസ്മയം
Read more
ശബ്ദസ്ഫോടനം ******************* ഒച്ചകളാണ് … ഇഴഞ്ഞും നുഴഞ്ഞും തുഴഞ്ഞും ആടിയും പാടിയും കുറുകെ ചാടിയും ചിരിച്ചും പൊട്ടിച്ചിരിച്ചും ചിരിപ്പിച്ചും തേങ്ങിയും മോങ്ങിയും അലറിക്കരഞ്ഞും കരയിച്ചും വായ് തോരാതെ പെയ്തും പെയ്യിച്ചും ഘോരം പ്രസംഗിച്ചും നിർത്താതെ നിന്ദിച്ചും അലയിളക്കി ആവലാതികളായും ചൊടുച്ചും ചൊടിപ്പിച്ചും കലഹിക്കുന്നു മത്സരിക്കുന്നു … ഒരു നിബിഡതയിൽ ഒരു വന്യമായ തീക്ഷണതയിൽ മർദ്ദവൈകല്യങ്ങളിൽ ഇടിച്ചു മിടിച്ച് തുടിച്ചു ത്രസിച്ച് പൊട്ടും ….. ശേഷം ശൂന്യത സ്വനരഹിതം നിഷ്ക്രിയം അചേതനം നമ്മളങ്ങോട്ട് … ..
Read more
  നിറം പോയ ജീവിതം ************************* ശബ്ദങ്ങൾ കലഹിക്കുന്നിടങ്ങളിൽ നിന്നും സത്യങ്ങളും തിരിച്ചറിവുകളും ഒന്നോടെ പലായനം ചെയ്യുമെന്നറിഞ്ഞിട്ടും അവർ   ചിറകുകൾ വിരുത്തിച്ചിക്കി ചിലച്ച് കൊണ്ടേയിരുന്നു കാഴ്ചകൾ കൊമ്പ് കോർക്കുമ്പോൾ ഇരുട്ടുപെയ്ത്തിൽ കറുപ്പ് കുറുകുമെന്ന് അനുഭവിച്ചിട്ടും അലോസരനടനങ്ങൾ ചടുലം കുലുക്കിയെറിഞ്ഞിട്ടും അവർ കണ്ണോട് കണ്ണും കൊളുത്തിട്ട് ഇടഞ്ഞു കൊണ്ടേയിരുന്നു … മൌനത്തിന്റെ നിഴലുകൾ നിറം പോയ ജീവിതത്തിൽ കറകൾ വീഴ്ത്തി പരസ്പരം വിവർണ്ണരാക്കിയത് അവർ അറിഞ്ഞതേയില്ല … .
Read more