പരിശിഷ്ടം

ഓടി നടക്കുകയാണ് വേരുകൾ

ഹൃദയം നിറയെ വലപ്പടർപ്പുണ്ട്

അതിലേക്കു വീഴുന്നതെല്ലാം

ഉടഞ്ഞു നേർക്കുന്നു...

ചിലതെല്ലാം മികവിലങ്ങനെ

അടങ്ങിയൊതുങ്ങുന്നുമുണ്ട്

മണം പിടിച്ച്

മുത്തിയേടുക്കാൻ ത്വരയോടെ

വേരറ്റങ്ങൾ!

ഉണ്ട്

എല്ലാമറിയുന്നുണ്ട്

ഹൃദയഭാരം താഴ്ന്നു കുമ്പിടുന്നു

ഉച്ചാടനമില്ലാതെയൊരാവാഹനം!

എന്നിലൊരു ഞാൻ ഹവിസ്സാകുന്നു

നമ്മളെന്ന പരിശിഷ്ടത്തിലേക്ക്!