Posts

Showing posts from November, 2015
ആഹൂതി ********* നിഷേധത്തിന്റെ ചങ്ങലകൾ ചങ്കിലിട്ട കൊളുത്ത് ഇടനെഞ്ചോളം ആഴ്ന്നിരിക്കണം
പരിധികൾ കാത്ത് കാവലിരുന്ന ഭയങ്ങൾ സംഘം കൂടി മൌനത്തിലേക്ക് മുഷ്ടി ചുരുട്ടി ആവേശം കൊണ്ടിരിക്കണം
ക്ഷോഭമൊരു മലയോളം ഉയർന്നിട്ടുണ്ടാകണം ഉയിരിന് ആലില വിറയൽ പകർന്നിരിക്കണം
കൊമ്പനും കൂമനും കുയിലും കാക്കയും ഒരേ തരംഗദൈർഘ്യത്തിൽ തലച്ചോറിൽ കമ്പിച്ചിരിക്കണം
ഒരു ചാൺ കയറണിഞ്ഞല്ലേ അവളുടെ
ഈ എടുത്തു ചാട്ടം !
ഹൃദയം *********** പൊടിഞ്ഞു പോകാൻ ഇരുമ്പിൻ തുരുമ്പല്ല പൊഴിഞ്ഞ് പോകാൻ വാട്ടയിലയല്ല
പുകഞ്ഞു മറയാൻ തീത്തിളയില്ലൊട്ടും കുതിർന്നുടയാൻ നഞ്ഞു മഴയും കൊണ്ടില്ല.
പൊട്ടിച്ചിതറാൻ ചിൽക്കൌതുകമേയില്ല ഞെരുങ്ങി മരിക്കാൻ തള്ളലിൽ കുരുങ്ങിയില്ല
ഹൃദയമിപ്പോഴും
സ്വമേധയാ തുടിക്കുന്നുണ്ട്