Posts

Showing posts from September, 2012
പെയ്യാന്‍മടിക്കുന്നതെന്തേ……….. -ഗീതമുന്നൂര്‍ക്കോട്  -
വാനമിരുണ്ട്ക്രോധംകൊണ്ട് മുരണ്ടതെന്തേ…? വെകിളികൊണ്ട മേഘക്കുതിരകള്‍ കടിഞ്ഞാണ്‍വിട്ടകലുന്നതെന്തേ…..? ആരവമില്ലാതെ പെയ്ത്തൊഴിഞ്ഞതെന്തേ….?
കുളിര്‍‌ക്കാതെങ്ങനെ മുകിലുകള്‍ തണുത്തുപെയ്യാന്‍…….?
വീശാഞ്ഞോസ്നേഹത്തെന്നല്‍…? തഴുകാത്തതോമസൃണതകള്‍…….!
പരിചയം - -
കഴുത്തറുക്കുന്ന പുഞ്ചിരിമുനകളിലൂടെ തെന്നി വീണ് പൊട്ടിച്ചിരികളിലെ സ്ഫോടനങ്ങളില്‍ വെന്തു പൊടിഞ്ഞ് തിരിച്ചറിയാനാകാത്ത മുഖങ്ങളിലെ മായപ്പശയിലൊട്ടി അടരാന്‍ വിതുമ്പുന്ന കറുപ്പാകുന്നു ഞാന്‍.... എന്റെ നിര്‍ജ്ജീവബിംബങ്ങളിലേയ്ക്ക് ജീവന്‍ കുടഞ്ഞിടാന്‍ ദര്‍ഭമുനകള്‍ മടിക്കുമ്പോള്‍ പിടഞ്ഞുണരുന്നു ഞാന്‍ എന്നെയറിയുന്നു...!
എന്റേതു മാത്രം




--- ഗീത മുന്നൂറ്ക്കോട് ---


കാലം കുറുക്കട്ടെ –

എന്റെ കാലുഷ്യങ്ങള്‍………

കപടഭാവങ്ങളെ

നഗ്നസത്യങ്ങളായെന്‍

മുന്നില്‍ നിരത്തട്ടെ –

കവിതകളായിട്ടവയെന്‍

കണ്‍കളിലുറയട്ടെ –

ധന്യ, ഞാനേറെ സന്തുഷ്ട !

കരളിലൊരു കീറാത്ത 

വലയുണ്ടതില്‍ കുരുങ്ങും

കാവ്യമുത്തുകളെന്റെ 

നേട്ടങ്ങള, വയെന്റേതു മാത്രം…!!
!

ആഘാതം

ആഘാതം --- ഗീതമുന്നൂറ്ക്കോട് ---
സുഗന്ധമുണ്ണാനിളം കാറ്റെത്തും മുമ്പ് തേന്‍ നുകരാനാ - രവങ്ങളണയും മുമ്പ് വിരിയാത്ത മോഹങ്ങളില്‍ പുഴു തുരന്ന ചെളിക്കുത്തില്‍ പൂമൊട്ടു ഹൃദയം സ്തംഭിച്ചു വീണു…..

മൗനം

മൗനം --- ഗീതമുന്നൂറ്ക്കോട് ---

എന്റെ പിറവിയിലേക്ക് ഇറങ്ങി വന്നു നീ……….. നിമിഷങ്ങളെ ശാസിച്ച്……… എന്റെ കാതടപ്പിച്ച്……. എനിയ്ക്കൊപ്പം വളര്‍ന്ന്….. എന്നെപ്പൊതിഞ്ഞ്………….. കാഴ്ച്ചവട്ടങ്ങള്‍ക്കായൊരുക്കി തുറുകണ്ണുകളിലേക്ക് വിഴുങ്ങാനായെറിഞ്ഞ് എന്നെ വ്യാപരിപ്പിച്ച നിന്നില്‍ ഞാനെന്നെ മൂടി………… ശിരസ്സു കീറാന്‍ മിനുങ്ങുന്നുണ്ട് വാള്‍മുനകള്‍……… ദാഹം കൊള്ളുന്നുണ്ടൊരു ദംഷ്ട്ര………. കത്തിയാളുന്നുണ്ട് പലവക വിശപ്പുകള്‍………… മൗനമേ, നിന്റെ ഭാവാന്തരം….. എങ്ങിനെ………….എന്ന്…? ഷണ്ഡതാണ്ഡവവലയങ്ങളില്‍ നിന്റെ താഡനമേറ്റ് ഞാന്‍………….?