നീ മെല്ലെ മെല്ലെ  മരിക്കാന്‍ തുടങ്ങുകയാണ് / പാബ്ലോ നെരൂദ

വിവ: ഗീത മുന്നൂര്‍ക്കോട്

-----------------------------------------------------------------------------

 

എങ്ങോട്ടും യാത്ര പോകാതെ

ഒന്നുമേ വായിക്കാതെ

ജീവിതസ്വനങ്ങള്‍ക്ക് കാതോര്‍ക്കാത്ത നേരങ്ങളില്‍

സ്വയം അഗീകരികരിക്കാത്തതിനാല്‍

നീ മെല്ലെ മെല്ലെ  മരിക്കാന്‍ തുടങ്ങുകയാണ്

 

സ്വാഭിമാനം കൊലപ്പെടുത്തി

പരസഹായം നിഷേധിക്കുമ്പോള്‍

നീ മെല്ലെ മെല്ലെ  മരിക്കാന്‍ തുടങ്ങുകയാണ്

 

പതിവുചിട്ടകള്‍ക്കടിമപ്പെട്ട്

നിത്യവുമൊരേ വഴികള്‍ നടന്ന്‍

പതിവുചര്യകളില്‍ നിന്നും മാറാതെ

വൈവിധ്യമുള്ള വര്‍ണ്ണങ്ങള്‍ ധരിക്കാതെ

അപരിചിതരോട്

ഒന്നുമേയുരിയാടാതെ

നീ മെല്ലെ മെല്ലെ  മരിക്കാന്‍ തുടങ്ങുകയാണ്

 

മിഴികളില്‍ തരളദ്യുതിയുണര്‍ത്തി

ദ്രുതഹൃദയത്തുടിപ്പുകളാകുന്ന

അഭിനിവേശങ്ങളെയും

അവയില്‍നിന്നുമുള്ള തീവ്രവികാരങ്ങളെയും 

അവഗണിക്കും വേള

നീ മെല്ലെ മെല്ലെ  മരിക്കാന്‍ തുടങ്ങുകയാണ്

 

അതൃപ്തമായ കര്‍മമേഖലയില നിന്ന്

അസംതൃപ്തമായ പ്രണയത്തില്‍ നിന്ന്‍

ജീവിതത്തെ സ്ഥിതിഭേദം ചെയ്യാതിരിക്കുമ്പോള്‍

അനിശ്ചിതമായതിന്റെ സുരക്ഷക്ക്

ഒരു സാഹസത്തിനും മുതിരാതെ

സ്വപ്നങ്ങള്‍ക്കാവിഷ്കാരം തേടാതെ

ജീവിതത്തിലോരിക്കല്‍പ്പോലും

സൂക്ഷ്മമായ ഉപദേശങ്ങള്‍ക്ക് പിറകെ

സ്വമേധയാ ചുവടുകളെടുക്കാതിരിക്കെ

നീ മെല്ലെ മെല്ലെ  മരിക്കാന്‍ തുടങ്ങുകയാണ് 

Comments

Post a Comment

Popular posts from this blog

ഇഷ്ടം സ്നേഹം കൊളുത്തി മനസ്സുകളുരുക്കി വിളക്കിയെടുത്ത് ശരി തെറ്റുകൾ എന്റേത് നിന്റേതെന്ന് കലഹിക്കാതിരിക്കുന്നിടത്ത് പൊങ്ങച്ചങ്ങൾ ഹൃദയച്ചെപ്പിൽ അടഞ്ഞമരുമ്പോൾ ധാരണകൾ സമാന്തരങ്ങളിൽ ഒഴുകിയെങ്കിൽ അവിടെയെന്റെ 'ഇഷ്ട'ത്തിന്നിടമുണ്ട്.
Read more
പലായനം ************** ·         ഗീത മുന്നൂര്ക്കോട് -- ഭ്രാന്താണെന്ന് ഭ്രാന്തിനകം വിശപ്പെന്ന് അകത്ത് പുറത്ത് അകംപുറം നിറയെ വിശപ്പ്! വിശക്കുന്നെന്ന് വിശപ്പിന്റെ ഭ്രാന്ത് അകത്ത് പുറത്ത് അകം പുറം മുഴുത്ത ഭ്രാന്ത്! നരഭോജികളുടെ നാടാണ് വിശപ്പ് വിശേഷപ്പെട്ടതു തന്നെ വിശേഷപ്പെട്ട ഭ്രാന്ത ൻ വിശപ്പ്! അവ ൻ ഭ്രാന്തനെന്നു വിളിക്കപ്പെടുന്ന വെറും മനുഷ്യ ൻ അവനില്ല ഇരുട്ടിലൊളിക്കാ ൻ നാട്ടിടങ്ങ ൾ ഇല്ലാത്ത കറുപ്പിടങ്ങ ൾ തിരയുന്ന അവന്റെ വിശപ്പ്! കാണാമറയത്തേക്കില്ലൊരു ഒളിയിടം ഇല്ലൊയൊരിഞ്ചോലയിടം ഭ്രാന്തിന്‍റെ വിശപ്പിലോ വിശപ്പെന്ന ഭ്രാന്തിലോ കല്ലെറിയപ്പെടും ഒളിച്ചുകടന്നുചെന്ന കാട് കുടുസ്സിടം കണ്ടെത്തിയതൊരു കൂട് കൂട്ടാകാമെന്നു കൊഞ്ചിച്ച് കൂട്ടം കൂടി വിശപ്പണച്ച്... ഇരുട്ടറിയാത്ത ഭ്രാന്ത ൻ കാഴ്ചയിലേക്ക് നരഭോജിക ൾ കുടിയേറുമെന്നും കാത്ത് നാടത്തത്തെ ഭയന്ന് ഭ്രാന്തന്റെ വിശപ്പ്!
Read more
എവിടെ... ? ************** നീ എന്റെ മുറ്റത്ത്   കുടഞ്ഞിട്ടു പോയ പാദസ്വനങ്ങൾ എന്റെ ജനാലക്കഴികളിലേക്ക് തൂകിയിട്ട വളക്കിലുക്കങ്ങൾ എന്റെ പൂമുഖത്തേക്ക് വീശിയെറിഞ്ഞ മുല്ലഗന്ധങ്ങൾ എന്റരികിലേക്ക് വരാം വരാം എന്നു മോഹിപ്പിച്ചിരുന്ന പട്ടുപാവടയുടെ പടപടപ്പുകൾ എല്ലാമെല്ലാം ഞാൻ പെറുക്കി സ്വരൂപിച്ചിരുന്നു... ഹൃദയച്ചെപ്പിലവ   ഒളിപ്പിച്ചിരുന്നു... കാണുന്നില്ലൊന്നും എവിടെയോ കളഞ്ഞുപോയിയെന്ന് ഞാനലയുമ്പോഴും...
Read more