ജൂലൈ 2
*************
ഓർമ്മകളെ
താലോലിക്കുന്നു
തൊട്ടിലിലാട്ടി…
മൂന്നു ദശാബ്ദത്തിനുമപ്പുറം
ഒരാണ്ട് പിറലിലൊരു
ജൂലൈ 22
തലേന്നുച്ചക്ക്
തുടങ്ങി വച്ച
വെപ്രാള നോവുകൾ….
പിന്നീടങ്ങോട്ട്
ഒരു രാവും ഒരു പകലും
ആനന്ദലഹരിയോടെ
വേദനകളെ വിഴുങ്ങിയ
ആ ക്ഷണികതകളുടെ
അപാരത
ഇന്നും മനസ്സിനെ
മഥിക്കുന്നുണ്ട്….
ആദ്യത്തെ കണ്മണിയെ
പ്രകാശം കാണിച്ച
ജൂലൈ 2 2 !
ഇഴഞ്ഞും മുട്ടു കുത്തിയും
ഇളം കാലടികളിൽ നിന്ന്
ഇടറിയും പിന്നെ നിവർന്നും
മെല്ലെ മെല്ലെ
അകന്നകന്ന്
വളർന്ന പാദങ്ങളുടെ
തെറ്റാത്ത മാർച്ചിൽ
അകൽച്ചയിൽ
വിടവുകൾ തീർത്ത്
കാലടികളെയിന്ന്
ചുരുട്ടിയൊളിപ്പിച്ച്
ചിറകു വിരുത്തി
പറക്കാറായി…..
ഈ വളർച്ച
എങ്ങോട്ട്….
അകന്നു പറക്കുന്നവനറിയുന്നുവോ
വേരുകൾ
താഴോട്ടിറങ്ങി
ഇരുളിൽ
ആണ്ടു പോകുന്നത്…..
ജൂലൈ 22ന്
ഓർമ്മകളിൽ
അമ്മയുടെ
താലോലം
Comments
Post a Comment