വാലുകള്‍
*************
ഇന്നലെകള്‍ വന്ന്‍
ഓരോ ക്ഷണവും
വെറുതെ ചൊറിഞ്ഞ്
പൊറുതിമുട്ടിക്കുന്നു
മറവിയുടെ കത്തി
എത്ര രാകിയിട്ടും
മുനക്കുന്നില്ല
അരിഞ്ഞെറിയുന്ന
വാല്‍ക്കഷണങ്ങൾ
മുന്നിലോട്ടെടുത്തുചാടുന്നു.....
ഇഷ്ടം സ്നേഹം കൊളുത്തി മനസ്സുകളുരുക്കി വിളക്കിയെടുത്ത് ശരി തെറ്റുകൾ എന്റേത് നിന്റേതെന്ന് കലഹിക്കാതിരിക്കുന്നിടത്ത് പൊങ്ങച്ചങ്ങൾ ഹൃദയച്ചെപ്പിൽ അടഞ്ഞമരുമ്പോൾ ധാരണകൾ സമാന്തരങ്ങളിൽ ഒഴുകിയെങ്കിൽ അവിടെയെന്റെ 'ഇഷ്ട'ത്തിന്നിടമുണ്ട്.
Comments
Post a Comment