എന്റെ സാമ്രാജ്യം
************************
എങ്ങനെയായിരിക്കണമെന്ന്
ഞാൻ ചിന്തിക്കും മുമ്പേ
പല നിർമ്മിതികൾ
എന്റെ ജീവിതത്തെ
ഭരിച്ചുനിർത്താൻ
ഉയർന്നുവന്നത്
അല്ലെങ്കിൽ
ഉയർത്തപ്പെട്ടത്…

ചിലതൊക്കെ തച്ചുടച്ച്
ആക്രമിച്ച്
തല കിഴായ്
മറിച്ചിട്ട്
കുട്ടിച്ചോറാക്കിയതാണ്
ഈ ഞാൻ തന്നെ

ഭരിച്ചുദുഷിച്ച
എന്നെ ദുഷിപ്പിച്ച
എന്നെ സുഖിപ്പിച്ച
സാമ്രാട്ടുമാരെ
ഇരിപ്പിടങ്ങളിൽ
നിന്നും
കുടഞ്ഞുലർത്തിയിട്ടുമുണ്ട്…

ഇനിയും സ്വയം ഭരിക്കുന്ന
സ്വത്വസിംഹാസനത്തിൽ
ഉപവിഷ്ടയാകാനുള്ള
ത്വര, ജ്വരമാകുമ്പോൾ...

ഉള്ളകത്തിലേക്ക്
അതൊരു പരിത്യാഗിയുടെ
നുഴഞ്ഞുകയറ്റം
അനിവാര്യമാകുന്നല്ലോ!

Comments

Popular posts from this blog