ശരികള് ഒളിവിലാണ്….!!
…….. ഗീത മുന്നൂറ്ക്കോട് ………….
നീതിക്കസേരയുടെ കറുപ്പിലേക്ക്
വളഞ്ഞു വരുന്നു
ശരികള്…
ചോദ്യ ചിഹ്നങ്ങളാകുന്നു……
വില കറുപ്പിച്ച
കോട്ടിന്റെ
നെഞ്ചിന് കൂട്ടിലേക്ക്
അവര്
ഒളിച്ചോടിയത്
ആരു കാണാന്…..…..!
ചില ശരികള്
പാതയോരങ്ങളിലും
റെയില് പ്പാളങ്ങളിലും
കൊത്തി നുറുക്കി
ഉപ്പും മുളകും പുരട്ടി
പൊരിക്കാനിട്ടിട്ടുണ്ട്……
ചിലത്-
രക്തക്കല്ലുകള്
കറുത്തും പോയിട്ടുണ്ട്…..
ഇല്ല, കരിമേഘങ്ങള്ക്ക്
സാക്ഷി പറയാനാവില്ല……..
തണുത്തുരുണ്ട് വീണ്
അവര്
തെളിവുകളെപ്പോലും
ഒഴുക്കുകയേ ഉള്ളൂ……
കഴുകന്റെ കണ്ണ്
ആകാശത്തു പോയി
ലഹരിയോടെ
ശരികളെ വ്യഭിചരിക്കുന്നു……..
ചോദ്യമരുത്;
തോറ്റം പാടി തോല്ക്കരുത്;
ഉത്തരങ്ങളിലെ ശരികളിലേക്ക്
വഴികള് കൊമ്പു കോര്ക്കും;
ദംശിച്ചവരകലും……
നേരുകള് പിടഞ്ഞ്
നീലിച്ചു തണുക്കും……..
കഴുകന്റെ കണ്ണ്
ReplyDeleteആകാശത്തു പോയി
ലഹരിയോടെ
ശരികളെ വ്യഭിചരിക്കുന്നു……
ടീച്ചറെ എല്ലാം എല്ലാവരും ഒളിപ്പിക്കലിന്റെ ലോകത്താണ് കവിത ഇഷ്ടപ്പെട്ടു എഴുത്ത് തുടരുക ,ശക്തമായി ബ്ലോഗ് പോസ്സ്ടുകള് വരട്ടെ ആശംസകള്
ReplyDelete