- ഇസങ്ങള് -
…….. ഗീത മുന്നൂറ്ക്കോട് ………….
….സോഷ്യലിസം…..
നട്ടപ്പാതിരക്കാണ് സവാരി;
ചര്ച്ചകളുണ്ട്……..
സമത്വസിദ്ധാന്തം
മാളികപ്പുറത്തേക്ക് വലിഞ്ഞ്
പട്ട മോന്തി
പിരിയെണ്ണി……
….. കവലനിലങ്ങളില്
കുരുതിക്കറകളിനി
എത്ര പെറ്റു കൂട്ടണം…….!!!!!!
- ക്യാപിറ്റലിസം -
-മാന്ദ്യം മാന്ദ്യം- പറഞ്ഞ്
മന്ദം നടന്ന്
ഭീമന് ക്യാപിറ്റലിലെത്തുന്നു…..!
- ടെററിസ -ത്തിന്റെ
കൊമ്പന് മീശ വളഞ്ഞു വന്ന്
കോങ്കണ്ണുകള്
ചൂണ്ട കോര്ക്കുന്നു…..
ഇരകളെ തപ്പുന്നുമുണ്ട്…….!
- കമ്മ്യൂണാലിസം -
സ്ക്കൂളുകളിലും
കോളേജുകളിലും പോകുന്നു;
കുട്ടികളെ പഠിപ്പിക്കുന്നു…..!
- ഫെമിനിസം -
ഫാഷന് പരേഡിലാണ്……
ചിലവു ചുരുക്കല് നയപ്രദര്ശനം;
സമയം തീരെ കുറവ് !
വയലന്സ് അലിയാസ്
- വയലന്റിസം -
ഇപ്പോളെല്ലാവരിലും കേമന് !
പുതുമുഖമെന്നും നടിച്ച്
കുട്ടിയുടുപ്പു മുതല്
ഊന്നുവടിയെപ്പോലും
അവന് കയ്യിലെടുക്കും !
എവിടെത്തിരിഞ്ഞാലും
അവന്റെ ചൂളം വിളിയാണ്……
Really good
ReplyDeleteഈ നല്ല കവിതകൾക്കെന്റെ ആശംസകൾ... വേഡ് വെരിഫിക്കേഷൻ ദയവായി മാറ്റുക
ReplyDelete