ആരെന്നറിയാതെ……., പല്ലക്കില് വന്ന അമ്പുകള്
ആരെന്നറിയാതെ…….
ഗീത മുന്നൂറ്ക്കോട്
എന്റെ പേരില്
പലരും പലതും
നേടുന്നു,
ഞാനാരെന്നറിയാതെ
–
എന്റെ ചുമലില്
സ്നേഹം നടിക്കുന്നു
കൈകള്
ഞാനാരെന്നറിയാതെ
–
അനാഥയാക്കി മുദ്രയടിക്കാന്
മുടിഞ്ഞ സഹതാപങ്ങള്….
ഞാനാരെന്നറിയാതെ
–
കൈകൊട്ടിയാറ്ത്ത്
ഭ്രാന്തില്ലെന്നറിഞ്ഞിട്ടും
കല്ലെറിയുന്നു
ആരെല്ലാമോ,
ഞാനാരെന്നറിയാതെ
–
ഇനി പതം പറഞ്ഞ്
എന്നെ പ്രതി
ഉച്ചത്തില്
വിലപിക്കുക
ഞാന് നിങ്ങളില്
നിന്നും
മറയാന് പോകുന്നു………
പല്ലക്കില് വന്ന അമ്പുകള്
- ഗീത മുന്നൂറ്ക്കോട് -
മാന്പേടയെ ചവച്ച ദന്തങ്ങള്
പൊന്നും കാട്ടി
പല്ലക്കിലിരിപ്പുണ്ട് –
വേട്ട തുടരുകയാണ് –
ദിക്കുകള് നോക്കുകുത്തികള്
ഗറ്ജ്ജിക്കാറില്ല……….
അല്ലെങ്കിലും
അവറ്ക്കൊന്നിനുമാകില്ല ;
വേട്ട രാജകീയമാണ്.
സാക്ഷികള് അന്ധരാകും………
നിശ്ചലവാനത്തിന്റെ
നിസ്സംഗതയിലൂടെ
കലമാന് കുണുങ്ങിയോടുമ്പോള്
നിമിഷാറ്ദ്ധം…………
കാറ്റെന്തേ വിറച്ചൂ……?
കാറ്മേഘത്തിന്റെ മറവ്
തേടുന്നു മാന്പേട……..
പല്ലക്ക് പറഞ്ഞു വിടുന്നു
നീലമുക്കിയ അമ്പുകള്………
പിടഞ്ഞുരുണ്ട് വീണ്ടും വീണ്ടും
നിലം പറ്റുന്നതോ
പേടി പുരണ്ട നിലവിളികള്………..
Comments
Post a Comment