ഇല പൊഴിയും കാലമിത്
***************************
നനവുറവകളിലേക്ക്
വിഷവാഹിനികൾ
കുതിച്ചടുക്കുന്നതോടെ
വിവശ വികാരങ്ങൾ
പ്രേതങ്ങളാകും
മകരമഞ്ഞിന്റെ ശലാകകൾ
മൂടുപടം നെയ്യും
അവ മനസ്സുകളിലെ
ശുഭ്രത മറയ്ക്കും…..
തിളക്കങ്ങളുടെ
പത്തരമാറ്റുരച്ച്
കാലം
ഹൃദയങ്ങളെ
തണുപ്പിൻ കൂടാരങ്ങളിൽ
ഒളിപ്പിക്കും….
കാലവൃക്ഷം
ഇല പൊഴിയ്ക്കും
വെറുതെയെങ്കിലും
കാത്തിരിക്കും
ഇന്നിന്റെ ഗ്രീഷ്മത്തിലേയ്ക്ക്
ഗുൽമോഹറിതളുകളിൽ
വെയിച്ചീളുകൾ
ചോരത്തുള്ളികളിറ്റിക്കും
നേരമെത്താൻ….
പൊടുന്നനെ
ആലിപ്പഴങ്ങൾ വീണ്
നിലം പൊള്ളാൻ…..
പിളർന്നു പൊട്ടുന്ന
ദാഹങ്ങളിലേക്ക്
കുളിർച്ചൊരിച്ചിലിൻ
ആരവമാകാൻ….
തണുത്തു മറഞ്ഞുറങ്ങിയ
നേർ വിത്തുകളെ
തട്ടി വിടർത്തി
നിഷ്ക്കളങ്കമായവ
കരയാൻ…

പിന്നെ
പൂത്തിരിയായി
പൊട്ടിച്ചിരിക്കാൻ…..
നിമിഷങ്ങളെണ്ണുന്നു
കാലം

Comments

Post a Comment

Popular posts from this blog

ഇഷ്ടം സ്നേഹം കൊളുത്തി മനസ്സുകളുരുക്കി വിളക്കിയെടുത്ത് ശരി തെറ്റുകൾ എന്റേത് നിന്റേതെന്ന് കലഹിക്കാതിരിക്കുന്നിടത്ത് പൊങ്ങച്ചങ്ങൾ ഹൃദയച്ചെപ്പിൽ അടഞ്ഞമരുമ്പോൾ ധാരണകൾ സമാന്തരങ്ങളിൽ ഒഴുകിയെങ്കിൽ അവിടെയെന്റെ 'ഇഷ്ട'ത്തിന്നിടമുണ്ട്.
Read more
പലായനം ************** ·         ഗീത മുന്നൂര്ക്കോട് -- ഭ്രാന്താണെന്ന് ഭ്രാന്തിനകം വിശപ്പെന്ന് അകത്ത് പുറത്ത് അകംപുറം നിറയെ വിശപ്പ്! വിശക്കുന്നെന്ന് വിശപ്പിന്റെ ഭ്രാന്ത് അകത്ത് പുറത്ത് അകം പുറം മുഴുത്ത ഭ്രാന്ത്! നരഭോജികളുടെ നാടാണ് വിശപ്പ് വിശേഷപ്പെട്ടതു തന്നെ വിശേഷപ്പെട്ട ഭ്രാന്ത ൻ വിശപ്പ്! അവ ൻ ഭ്രാന്തനെന്നു വിളിക്കപ്പെടുന്ന വെറും മനുഷ്യ ൻ അവനില്ല ഇരുട്ടിലൊളിക്കാ ൻ നാട്ടിടങ്ങ ൾ ഇല്ലാത്ത കറുപ്പിടങ്ങ ൾ തിരയുന്ന അവന്റെ വിശപ്പ്! കാണാമറയത്തേക്കില്ലൊരു ഒളിയിടം ഇല്ലൊയൊരിഞ്ചോലയിടം ഭ്രാന്തിന്‍റെ വിശപ്പിലോ വിശപ്പെന്ന ഭ്രാന്തിലോ കല്ലെറിയപ്പെടും ഒളിച്ചുകടന്നുചെന്ന കാട് കുടുസ്സിടം കണ്ടെത്തിയതൊരു കൂട് കൂട്ടാകാമെന്നു കൊഞ്ചിച്ച് കൂട്ടം കൂടി വിശപ്പണച്ച്... ഇരുട്ടറിയാത്ത ഭ്രാന്ത ൻ കാഴ്ചയിലേക്ക് നരഭോജിക ൾ കുടിയേറുമെന്നും കാത്ത് നാടത്തത്തെ ഭയന്ന് ഭ്രാന്തന്റെ വിശപ്പ്!
Read more
എവിടെ... ? ************** നീ എന്റെ മുറ്റത്ത്   കുടഞ്ഞിട്ടു പോയ പാദസ്വനങ്ങൾ എന്റെ ജനാലക്കഴികളിലേക്ക് തൂകിയിട്ട വളക്കിലുക്കങ്ങൾ എന്റെ പൂമുഖത്തേക്ക് വീശിയെറിഞ്ഞ മുല്ലഗന്ധങ്ങൾ എന്റരികിലേക്ക് വരാം വരാം എന്നു മോഹിപ്പിച്ചിരുന്ന പട്ടുപാവടയുടെ പടപടപ്പുകൾ എല്ലാമെല്ലാം ഞാൻ പെറുക്കി സ്വരൂപിച്ചിരുന്നു... ഹൃദയച്ചെപ്പിലവ   ഒളിപ്പിച്ചിരുന്നു... കാണുന്നില്ലൊന്നും എവിടെയോ കളഞ്ഞുപോയിയെന്ന് ഞാനലയുമ്പോഴും...
Read more